La Conseyería de Mediu Rural y Cohesión Territorial abrió al tráficu a les 13:30 hores un carril nel corredor del Nalón (AS-15), a la altuta de Soutu la Barca (Tinéu), reguláu por semáforos y señalistes, mientres siguen los trabayos d’estabilización na lladera. Los *operarios trabayaron a trés turnos la pasada fin de selmana na zona de la fastera, onde les condiciones de seguridá lo permitieron. D’esta miente, remataron la instalación d’una malla especial d’aceru, reforzada con 16 faxes de cables suxetes con 32 anclaxes.
Tres esos llabores, esta mañana instaláronse dos barreres de seguridá de casi 100 metros de llargor coles que se llendó un carril pel que se volvió a entamar la circulación nel tramu. P’acondicionar el pasu rellenóse y amaceróse’l pavimentu con zahorra.
Dende’l primer momentu, los trabayos en Soutu la Barca centráronse na estabilización de los fragmentos de roca inestables que poníen en riesgu la seguridá de los usuarios de la vía.
