El Grupu de Rescate de Bomberos d’Asturies, a bordu del helicópteru medicalizáu del Serviciu d’Emerxencies del Principáu d’Asturies (SEPA), treslladó al Hospital Universitariu Central d’Asturies (HUCA), n’Uviéu, a un varón de 73 años que resulto mancáu cuando realizaba una ruta de monte en Picos d’Europa, Cabrales.
L’afectáu que foi atendíu nel llugar del accidente pola médicu-rescatadora presentaba, por cuenta de más pruebes y hasta nueva valoración médica, traumatismu craneoencefálicu leve y contusión en miembru inferior. El mancáu dirixíase al abellugu de Cabrones cuando cayó unos trés metros na forcada de Don Carlos.
L’accesu al mancáu fíxose por aciu una operación de sofitu de patín y la so evacuación por aciu una operación de grúa, col triángulu de rescate, con un helicópteru multifunción de la entidá.
