Un home resultó mancáu al sufrir una cayida nuna cueva nel área recreativa de La Moría en Ribeseya. Según los datos facilitaos pol Serviciu d’Atención Médica Urxente (SAMU) l’afectáu foi treslladáu al Hospital de Les Arriondes.
El Centru de Coordinación d’Emerxencies recibió l’avisu a les 15:50 hores. Na llamada esplicóse qu’una persona cayera unos cuatro metros dientro de la cueva. De momentu movilizóse al Xefe de Zona Oriente, a trés efectivos de Bomberos del Serviciu d’Emerxencies del Principáu d’Asturies (SEPA), con base en Villaviciosa, y al Grupu de Rescate a bordu del helicópteru medicalizáu.
Una vegada na zona, los bomberos al pie de los sanitarios aportaron hasta l’afectáu al qu’estabilizaron. De siguío montóse un anclaxe pa sacar de la cueva al afectáu. Una vegada fuera montóse un segundu anclaxe pa salvar, cola camiya nial na que se porteaba al afectáu, el segundu tramu que va d’un senderu a una pista forestal. Una vegada equí, se porteó hasta l’ambulancia.
