El Grupu de Rescate del Serviciu d’Emerxencies del Principáu d’Asturies, a bordu del helicópteru medicalizáu de Bomberos d’Asturies, rescató y treslladó al hospital a una senderista que resultó mancada nuna pierna cuando practicaba escalada deportiva, nun sector conocíu como Les Bóvedes, en Entrago, Teberga.
La ferida, de 28 años d’edá, foi asistida nel llugar del accidente pol médicu-rescatador y un bomberu-rescatador. En suministrándo-y analxesia intravenosa inmovilizóse-y la pierna con férula neumática y ríxida pa darréu sacupala a l’aeronave. Tantu la entrada como la salida realizóse por aciu operaciones de grúa col helicópteru. Lleváronse a cabu cuatro ciclos nos que s’esplegaron 50 metros de cable en caún d’ellos. L’afectada presentaba quebra del todíu derechu. Foi treslladada al Hospital Universitariu Central d’Asturies (HUCA), n’Uviéu.
