Vibra Mahou, que conecta artistes y públicu xenerando alcuentros en redol al directu, vuelve traer a Asturies una de les les sos propuestes musicales más potentes. Y ye que, per tercer añu consecutivu, Cimbla Mahou Fest volverá celebrase en Xixón. Va ser el próximu sábadu 13 d’abril cuando’l Recintu Ferial d’Asturies Luis Adaro acueya una nueva edición d’esti festival indoor, que yá se consolidó como una de les cites imprescindibles del calendariu musical asturianu.
Y, como yá ye tradición, el cartelu va tar protagonizáu por dalgunos de los grandes nomes de l’actualidá musical nacional. Asina, Arde Bogotá, Rodrigo Cuevas Carlos Sadness, Siloé, Samuraï y Alberto & García van ser los encargaos de facer esfrutar al públicu mientres esta inolvidable xornada que va empezar al mediudía y va ufiertar más de 12 hores de música ininterrumpida.
L’espaciu va cuntar tamién con un set pol que van pasar dalgunos de los DJs más queríos d’Asturies, que van ser los encargaos de que’l ritmu nun pare ente actuación y actuación, pinchando hits nacionales ya internacionales de distintes dómines y faciendo un percorríu por estilos como’l indie, el funky, el rock o’l pop, ente otros.
Y anque lo complicao va ser parar de baillar, va llegar el momentu de reponer fuerces y, pa ello, los asistentes van poder averase hasta la Zona Gastro, onde van atopar foodtrucks con propuestes pa tolos gustos, que van poder esfrutar al campu o mientres se tomen xuna cerveza na zona de relax.
