Royal Aware va empezar la so actividá nes antigües instalaciones de Danone en Salas n’abril del 2025. El conseyeru de Mediu Rural y Política Agraria, Marcelino Marcos, definió la reapertura de la fábrica como un proyectu “d’ilusión y futuru pa tol occidente”.
El titular de Mediu Rural esplicó que la inversión prevista, d’unos 50 millones, y la creación de 82 puestos de trabayu “ye bien importante pa una zona que precisa un impulsu como esti”. Amás, valora “la certidumbre” que se remana pa l’apertura del complexu industrial, prevista p’abril de 2023. Tamién destacó que la empresa va allegar a les ayudes que convoca la Conseyería de Mediu Rural y Política Agraria a la producción, tresformamientu y comercialización de productos agrícoles, dotaes con 8 millones.
Marcelino Marcos tamién aprovechó l’alcuentru pa treslladar a la dirección de Royal Aware la so visión sobre’l sector llácteu: “Tou aquello que contribúi a ameyorar la rentabilidá de los ganaderos y ganaderes y a aumentar el preciu de la lleche, bienllegáu seya”, esplicó, matizando que dempués “va ser la empresa la que determine qué precios ufierta”. El titular de Mediu Rural añedió que la planta va precisar 150 millones de llitros al añu, “una cantidá importante”, pero que va poder cubrir yá que la producción láctea “ta estabilizada n’Asturies”.
