La Conseyería de Salú va activar esti vienres l’alerta por fríu de nivel 1 (riesgu baxu) énte les estimaciones de l’Axencia Estatal de Meteoroloxía (Aemet), qu’anuncia temperatures d’hasta -2 graos pa los próximos 24, 25 y 26 de febreru n’Uviéu, localidá de referencia. Les previsiones indiquen que les mínimes van superar los llímites que pueden suponer un riesgu pa la salú de la población especialmente vulnerable, por casu, les persones ensin llar, les que sufren probeza o tienen baxu estatus económicu, les mayores de 65 años y les muyeres gestantes.
La midida intenta menguar la morbilidá y les muertes venceyaes al fríu y ponse en marcha cuando mientres dos díes consecutivos o más s’algamaron temperatures mínimes non habituales que podríen provocar una medría de la mortalidá.
La Dirección Xeneral de Salú Pública monitoriza a diariu les temperatures y les previsiones y vixila la posible medría de mortalidá por una situación meteorolóxica adversa.
Encamientos a la población
Les autoridaes sanitaries aportunen na necesidá de curiar a la población más vulnerable al fríu, esto ye, les persones ensin llar y les que sufren probeza o baxu estatus económicu. Otros grupos de riesgu son les persones mayores de 65 años, les muyeres xestantes, los recién nacíos y lactantes, la población con movilidá amenorgada, les desnutríes con escosamientu físicu, los casos d’intoxicación etílica, les que trabayen al aire llibre y les que practiquen deportes al aire llibre en zones fríes.
Tamién aconseyen a la ciudadanía una alimentación variada, qu’incluya diariamente fruta, qu’inxera líquidos, sobremanera agua y bébores calientes, y evite’l consumu d’alcohol, yá que mengua la sensación de fríu.
Igualmente, Salú Pública realiza los siguientes encamientos sobre cómo actuar n’espacios esteriores:
- Alendar pela ñariz y non pela boca, una y bones l’aire calecer al pasar poles fuesa nasales, lo que mengua’l fríu que llega a los pulmones.
- Estremar el precuru en casu de xelu nes cais. Un eleváu porcentaxe de mancadures rellacionaes col fríu tien que ver con cayíes al esnidiar sobro plaques de xelu. Si ye posible, encamiéntase utilizar calzáu antideslizante.
- Tener en cuenta que delles capes de ropa fino protexen más que xuna sola gruesa, al formar cámares d’aire aislante ente elles.
Y en los espacios interiores:
- Nel casu d’utilizar braseros o chimenea, aconséyase ventilar la estancia con frecuencia pa evitar l’acumuladura de CO2.
- Tocantes a la casa, encamiéntase ventilar siquier dos vegaes al día, mientres 15 minutos, p’asegurar la renovación del aire. Coles mesmes, suxúrese apagar les estufes eléctriques y de gas mientres la nueche.
