Salú confirma un centenar de nuevos casos de coronavirus

La tasa de positividá asítiase nel 2,74% en siendo realizaes esti miércoles 3.640 pruebes PCR

0
605

La Conseyería de Salú confirmó un centenar de casos positivos pola covid-19 diagnosticaos esti miércoles. Tolos afectaos, sacante trés que fueron hospitalizaos, tán asintomáticos o presenten síntomes leves y permanecen aisllaos na so casa. Los epidemiólogos siguen coles investigaciones pa determinar la vinculación de tolos casos detectaos. Amás, cuatro persones que fueren diagnosticaes en díes anteriores fueron ingresaes nel hospital. Nun se rexistraron nuevos ingresos en UCI nin fallecimientos por coronavirus.

El Serviciu de Salú del Principáu d’Asturies (Sespa) realizó esti miércoles 3.640 pruebes PCR. La tasa de positividad foi del 2,74%. El Serviciu de Vixilancia Epidemiolóxica constata una incidencia acumulada más alta que la media d’Asturies nos trés conceyos del valle del Nalón que tán n’alerta naranxa. La media d’incidencia acumulada na última selmana asítiase en 58,4 per cien mil habitantes. Esta cifra multiplícase por ocho en Llaviana y por dos en Llangréu y Samartín del Rei Aurelio.

La declaración d’alerta naranxa dexa intensificar les midíes la vixilancianestes zones pa frenar la trasmisión del virus. El Gobiernu asturianu encamienta nestos conceyos la cancelación o aplazamientu d’actividaes que nun sían imprescindibles. Tamién s’aconseya a la ciudadanía llindar los alcuentros sociales fuera del grupu de convivencia estable y les xuntes a un máximu de seis persones. Per otra parte, prohíbese’l consumu en barra nos establecimientos d’hostelería, restauración y terraces. Amás, nes meses o agrupaciones de meses acútase el so usu a un máximu de seis persones.