Etiqueta: autónomos

15 midíes urxentes pa los autónomos

Los autónomos ye un de los sectores que más se ta viendo afectáu pol actual andanciu del coronavirus. Tanto pola crisis de consumu como poles restricciones y llimitaciones que tán presentes.

Por ello, la UPTA (Unión de Profesionales y Trabayadores Autónomos) pa desaniciar estos efectos y nun escenariu que cada vez se puede dir agravando más, ellaboró un catálogu de midíes urxentes. Ente este midíes destaquen: la petición d’ayudes complementaries, la equiparación de períodos, les exenciones de pagu, los aplazamientos de pagu, les moratories y otres más. Toes elles tán detallaes nel informe que la UPTA dexa nel so portal oficial:

https://upta.es/wp-content/uploads/2020/11/15-MEDIDAS-URGENTES-PARA-EL-TRABAJO-AUTONOMO.pdf

09/11/2020
La segunda fola del andanciu puede llevar a la desapaición a miles de negocios según la UPTA

La Unión De Profesionales y Trabajadores Autónomos (UPTA) pide midíes contundentes al Gobiernu pa contener l’espardimientu de la pandemia, ya que les midíes que se tán poniendo en marcha dende los gobiernos autonómicos, son claramente insuficientes.

Les restricciones a la movilidá, los cierres perimetrales y el retayu horariu en determinaos sectores, nun tán dando resultancies favorables para doblar la curva de contaxos d’esta segunda fola de la COVID-19.

Eduardo Abá, presidente de UPTA, señaló que “ta en xuegu la vida de miles de pequeños negocios, si nun paremos l’espardimientu de los contaxos, los trabayadores autónomos van perder el 30% de la facturación anual que se produz na campaña de Navidá, suponiendo una catástrofe económica que sería bien malo de solucionar».

Por ello, dende la UPTA defienden que ye preferible axustar severamente les restricciones mientres les próximes selmanes enantes de que seya demasiao tarde y vaya echase a perder la campaña navidiega.

Eduardo Abá, coles mesmes, manifestó que “precisamos consensu y muncho sentíu común. Si nun paremos esto agora, la campaña comercial de Navidá va ser un completu desastre. Esto nun ye una carrera electoral, esto ye una situación d’emerxencia que tien de priorizar los intereses de los ciudadanos, de los empresarios, de #el trabayadores y de los más de 3 millones d’autónomos del nuesu país”.

23/10/2020
El Principáu concede 982.800 euros n’ayudes a autónomos

El Gobiernu asturianu concedió anguaño 982.800 euros n’ayudes pal fomentu del trabayu autónomu. En total, beneficiáronse 1.638 persones na convocatoria de la tarifa mista. Esta midida pretende favorecer la creación d’empléu. La Conseyería d’Empléu, Industria y Turismu apurre recursos económicos que faciliten les altes nel réxime especial de los trabayadores por cuenta propia o autónomos y tamién la permanencia nell primer añu d’actividá.

Pa entainar los trámites de la solicitú, amenórguense a dos los documentos que los solicitantes tienen qu’apurrir: ficha d’acreedor y acreditación del pagu de la cuota correspondiente al primer mes d’alta. Ente los beneficiarios d’anguaño hai 825 muyeres, el 50,37% del total. En 2018 concediéronse 1.114 ayudes, por un importe de 668.400 euros, y 550 fueron pa muyeres (49,37%).

08/07/2019