España vuelve ganar un partíu clave. Marc Gasol terminó l’encuentru énte Australia (95-88) con 33 puntos (llevaba 4 al descansu) batiendo’l so récord personal d’anotación. Pela so parte, Ricky Rubio bordió’l triple doble (récord d’asistencies con 12) y Sergio Llull anotó dos triples claves na segunda prórroga. Un partíu hestóricu decidíu na segunda prórroga y qu’asegura la medaya nun tornéu nel que los mesmos xugadores namás falen d’oru. Si de Saitama recuérdase trelce años dempués el partíu énte Arxentina, esta Copa del Mundu 2019 yá tien otru partíu pa la memoria de los aficionaos. Agora, queda una final (domingu 14:00 h) pa rematar dos selmanes máxiques.
Etiqueta: Baloncestu
-
Jamal Reynolds, nuevu aleru del Círculu Xixón
El Círculu Xixón Baloncestu llegó a un alcuerdu para la incorporación del aleru de 25 años Jamal Reynolds (1,93). Nacíu en Canadá (cotonou pola so ascendencia xamaicana), provien de la NBL Canadiense onde militó nel Cape Breton Highlanders. Xugó en Cansius Golden Griffins (Universidá en New York).
Nacho Galán describe a Jamal Reynolds como «bien rápidu y con gran capacidá anotadora». A pesar de la so estatura, destaca que «ye un gran reboteador y gústa-y defender fuerte y agresivu. Ta llamáu a ser una de les grandes figures de la Leb Plata». El xugador amosóse «bien ilusionáu» con venir a España una vegada se fixo públicu l’alcuerdu. «Yá punxo la bandera na so WhastApp».
-
El Círculu Xixón desciende
Los nervios dente l’entamu del Teslacard Círculu Xixón provocaron munchos erros en defensa y nel ataque paecía que’l balón nun quería entrar. El conxuntu menorquín, a pesar de nun xugase nada, celebró con euforia cada anotación, remató’l primer periodu con una llixera ventaya del equipu visitante 15-23.
Nel segundu cuartu, el Círculu quería amenorgar cuanto antes les diferencies nel marcador pero eso causó más imprecisiones nel ataque y nun ameyoró l’aciertu a canasta causando qu’el Menorca dir al descansu con un 13 puntos de ventaya nel marcador. (31-44)
El Teslacard Círculo Xixón tenía dos cuartos pa intentar remontar el partíu y esperar a qu’unu de los sos rivales pincharen. El conxuntu xixonés salió con otru ritmu y Saúl Blanco demostrólo anotando dos triples siguíos que fixo non yá espertar al so equipu sinón a tolos aficionaos del Palaciu de Deportes. Paecía qu’una vegada más equipu y afición volvíen a sintonizarse. Pero’l Menorca nun se punxo nerviosu y llogró una merecida victoria. 72-80
A pesar de que’l Círculu tuvo nes sos manos la remontada nos dos últimos minutos del partíu, lo cierto ye que los sos rivales ganaron los sos alcuentros. En rueda de prensa Nachu Galán reconoció que “consuela saber que la victoria nun sirviera pa nada”. Tamién quixo dexar un mensaxe sobro’l futuru del club: “Dempués de ver cómo tuvo’l pabellón nun m’atrevería a baxar la persiana”.