Xixón al día

Etiqueta: Podemos

  • Sofía Castañón (Podemos) reclama más garantía de derechos pa llei trans asturiana

    Sofía Castañón (Podemos) reclama más garantía de derechos pa llei trans asturiana

    Podemos Asturies volvió reprochar al Gobiernu de Barbón la so “falta de compromisu”
    colos derechos de les persones LGTBI al caltener “paralizada” la llei en Asturies. Asina lo manifestaron esti xueves la coordinadora autonómica de la formación morada, Sofía Castañón, y el voceru parlamentariu, Rafael Palacios, nun alcuentru con representantes de l’asociación Llar Trans.

    Castañón llamentó que fai más d’un añu’l presidente asturianu comprometióse con esta norma y “cuando ta a puntu de terminar la llexislatura, nun tamos viendo nenguna meyora per parte del Gobiernu autonómicu” y pidió-y al Executivu de Barbón “menos trampes y más garantía de derechos en Asturies”.

    Amás, esplicó que “apura una llei que dea respuesta a les persones trans y a la comunidá LGTBI nel so conxuntu y anque tengamos un marcu estatal, esto tien qu’aterrizase en toles competencies del Gobiernu d’Adrián Barbón”.

    Los dirixentes de Podemos manifestaron que nun pueden entender que la FSA “caltenga esta llei nun caxón, porque tenemos la sensación de que cuando falamos de derechos civiles paez que siempres pueden quedar retardaos”. Y en ese sentíu, recordaron los casos recién d’agresiones LGTBIfóbicas asocedíos en Asturies. Dende la formación morada apuraron al Executivu autonómicu a que saque la llei “del caxón” y a qu’escuche a los colectivos que yá presentaron allegamientos, como ye’l casu de Llar Trans. “L’Alministración asturiana tien qu’activar yá esti procesu porque non puede faese apriesa y corriendo y, comoquier. Y, por supuestu, nun puede facese dando’l llombu al marcu que yá s’asitia nel Estáu sobremanera porque esa yera la escusa pa nun activalo antes”, señalaron
    Castañón y Palacios.

    Pela so parte, la presidenta de Llar Trans, Ánxeles Fal recordó que tanto los colectivos LGTBI como los sindicatos “amosemos el nuesu refugu al anteproyectu d’esa llei tanto pol fondu como pola forma, por eso presentemos 44 allegamientos”. Fal señaló la importancia de faer una llei “na que se reflexe’l sentir de les persones afectaes y que cunte con elles pa la so ellaboración. Y esti nun foi’l casu porque se nos presentó un borrador yá ellaboráu ensin nengún tipu d’aportación pela nuesa parte. Va un mes que s’acabó’l periodu d’allegamientos y nun volvimos a saber nada del anteproyectu”.

  • Podemos señala que los convenios de La Vega vulneren la llegalidá

    Podemos señala que los convenios de La Vega vulneren la llegalidá

    Podemos Asturies reclamó esti vienres al Ministeriu de Defensa que devuelva los terrenes de l’antigua fábrica de La Vega n’Uviéu “porque nun-y pertenecen”. Asina lo aseguraron en rueda de prensa’l voceru parlamentariu de la formación morada, Rafael Palacios, y la vocera municipal de Somos Uviéu, Ana Taboada. Y que l’alcuerdu robláu por Barbón, Canteli y Margarita Carbayos “vulnera la llegalidá”.

    Amás, manifestaron que “por más que se-y pida a Defensa qu’acredite la titularidá, nun hai nin documentu, nin escritura que lo demuestre”. Nesi sentíu, Palacios pidió que’l ministeriu “debería non solo devolver La Vega a la ciudadanía sinón pagar pelos años d’abandonu d’esti espaciu”. Dende la formación morada espliquen que “vamos faer tolo posible para paralizar un conveniu que va contra los intereses de la ciudadanía” y, n’ese sentíu, anunciaron que tán trabayando n’estudiu xurídicu que revierta estos planes. Nesa llínea, la edil morada afirmó que Defensa “inscribió apocayá esos terrenes”.

    El voceru parlamentariu de Podemos Asturies, llamentó la falta d’información per parte de les alministraciones “en tolos anuncios que van faciendo en prensa sobre esti espaciu”. Y criticó que “los planes pa La Vega seríen un desastre pa la ciudá. El futuru nun puede destruyir la hestoria pa beneficiu d’unos pocos que, amás, son los de siempre”. Y preguntó a la conseyera de Cultura del Gobiernu asturianu “si va siguir con esta desdexación de funciones col patrimoniu asturianu”.

    A lo último, Ana Taboada pidió a Adrián Barbón, a Margarita Carbayos y a Alfredo Canteli,
    que “recapaciten” y que “paralicen unos planes que van en contra de los intereses xenerales”.

  • Podemos reclama celeridá a Educación pa cubrir les baxes de covid del profesoráu

    Podemos reclama celeridá a Educación pa cubrir les baxes de covid del profesoráu

    La diputada de Podemos Asturies, Nuria Rodríguez, reclamó esti miércoles “celeridá” al Gobiernu asturianu a la de cubrir les baxes por covid del profesoráu.

    Según la diputada morada, ente que n’otres Comunidaes autónomes “sí habilitáronse procedimientos estraordinarios pa garantizar que los neños y les neñes nun vuelvan carecer estes ausencies del profesoráu, l’Alministración asturiana aportuna n’utilizar un procedimientu ordinariu ” a la de cubrir eses baxes.

    Para Rodríguez, “esta actitú conservadora per parte de la Conseyería d’Educación nun resuelve la problemática”. Nesi sen, la formación morada rexistró una entruga con calter urxente por que’l Gobiernu esclarie cómo y con qué celeridá tán cubriéndose les baxes por Covid del profesoráu asturianu.

  • Sofía Castañón reclama al Gobiernu central rematar la recuperación de la fachada marítima ente Candás y Perlora

    Sofía Castañón reclama al Gobiernu central rematar la recuperación de la fachada marítima ente Candás y Perlora

    La vocera axunta de Xuníes Podemos nel Congresu y coordinadora autonómica de Podemos Asturies, Sofía Castañón, rexistró una entruga escrita al Gobiernu pa interesase pola situación de la fachada marítima entre Candás y Perlora. Les obres p’acondicionar esti tramu de mariña y recuperalo pa la ciudadanía cola construcción d’un paséu fueron alcordaes por aciu un conveniu ente’l Principáu y el Ministeriu de Mediu Ambiente nel añu 2006, pero quedaron paralizaes en inaugurándose la primer fase en 2008.

    En palabres de Castañón, trátase de “una cuestión sustancial pal conceyu de Carreño” y una obra “con un terrible curiosu pa la ciudadanía”. Por ello, dende’l Grupu Parlamentariu Confederal de Xuníes Podemos preguntar pol paralís d’estes obres y les previsiones del Gobiernu de volver a entamar los trabayos previstos, habida cuenta de que yá s’empecipiaron los trámites pa la espropiación per parte de la Demarcación de Mariñes de los terrenes de la punta de Perán qu’anguaño ocupa un camping, como pasu necesariu pa la so recuperación pal usu públicu.

    D’esta manera, la diputada asturiana lleva a see parlamentaria la que yá ye una delda histórica con Carreño y failo en coordinación cola agrupación municipal de Somos Carreño – Podemos, que vien reclamando dende les instituciones municipales la finalización de les obres, la peatonalización completa del paséu, la habilitación d’una gran zona verde nos terrenes del camping, la construcción d’una pasarela a la Ciudá Residencial de Perlora y la restauración ambiental de la badea de Perán.

  • Sofía Castañón ye la nueva líder de Podemos Asturies

    Sofía Castañón ye la nueva líder de Podemos Asturies

    Sofía Castañón ta acabante d’algamar la victoria nes disputaes eleiciones primaries de Podemos Asturies. La candidata, que lluchaba pol puestu escontra Daniel Ripa, anterior líder de la formación morada, va ser dende agora la figura clave del partíu n’Asturies, abriendo una nueva etapa que, según la so campaña, que llevaba por nome «Puxu!», sedrá d’asturianismu y feminismu.

    Les primaries fueron mui disputaes ya inclusive Daniel Ripa, antiguu líder, pidió la paralización del recuentu por apreciar irregularidaes. Sicasí, nun hebo parón y esta mañana fízose oficial el resultáu de los comicios de la formación morada, namás con una diferencia de 100 puntos ente los dos candidatos.

  • Podemos-Equo Xixón denuncia’l mal estáu del Eduardo García Torner

    Podemos-Equo Xixón denuncia’l mal estáu del Eduardo García Torner

    Podemos-Equo Xixón denuncia güei na comisión de Servicios y Derechos Sociales el mal estáu de la pista cubierta del colexu públicu Eduardo García Torner de La Calzada. “Comuníquennos qu’ente’l techu que cubre la pista y les paredes hai una rede  desaniciada, rota, permitiendo que les palombes entren y aniden dientro de la pista y déxenla enllena d’escrementos”, esplicó esta mañana la portavoz, Laura Tuero. EL grupu municipal pide que se solucionen los desperfectos: “La suciedá y tamién insalubridá, impide que les clases d’Educación Física puedan desarrollase con normalidá, talo como los recreos y otres actividaes deportives que n’ella se realicen”. Amás, Laura Tuero esplica que la puerta d’entrada s’alcuentra ferruñosa, un pelligru pal alumnáu.

    La coalición tamién solicita na comisión que se coloque señalización, o otres midíes, nel circuitu del Kilometrín pa indicar a los y las viandantes que yes una zona de entrenamiento pa la práctica de la carrera a pie, dempués de dellex quexes recibíes pol grupu municipal de persones usuaries de la pista d’atletismu. 

  • Los partíos ceden 54.666 euros de les sos asignaciones a programes sociales

    Los partíos ceden 54.666 euros de les sos asignaciones a programes sociales

    Pocos son los asuntos que davezu algamen l’alcuerdu unánime de tolos grupos políticos con representación na Casa Conceyu. Sicasí, les siete formaciones presentes n’actual corporación pactaron ceder dos mensualidaes de les sos asignaciones a programas sociales.  Esto ye, 54.666 euros. Trátase d’una partida que los grupos reciben pa desendolcar la so actividá como representantes de los ciudadanos. L’alcuerdu algamóse por unanimidá de los voceros municipales na comisión permanente celebrada’l vienres pela mañana.

    Nel conceyu, tamién se punxo fecha al viniente Plenu ordinariu. Va tener llugar el miércoles 27 de mayu. N’él, presentaránse les primeres modificaciones presupuestaries destinaes a programes venceyaos a la xestión de la crisis de la COVID-19. Otramanera, alcordose convocar el Conseyu Social de la ciudá pal viniente día 25. Nesti conceyu, informaráse de les midíes previstes pa recuperar l’actividá económica y l’empléu. Los voceros municipales tamién pactaron la torna de les comisiones municipales, que van celebrase de manera presencial nel Salón de Plenos.

  • Podemos-Equo plantega instalar paneles solares nos edificios municipales

    Podemos-Equo plantega instalar paneles solares nos edificios municipales

    Una propuesta de futuru y social que dinamice’l texíu empresarial y el comerciu local. Podemos-Equo Xixón ta acabante de presentar un plan de choque enerxéticu dientro de les propuestes pa la recuperación de la ciudá tres la crisis sanitaria del coronavirus. El plan inclúi una serie de midíes a curtiu, mediu y llargu plazu pa tolos colectivos afectaos por esta crisis. El so fin ye la instalación plaques fotovoltaicas en toles cubiertes de los edificios municipales, nuna primer fase, y comunidaes de vecinos y empreses, na segunda, por aciu un plan de rehabilitación.

    “Ye necesario buscar midíes con un valor añedíu y esta tienles: crea empléu, llucha contra’l oligopolio enerxéticu y camina hacia la economía verde», valoró la vocera del grupu municipal, Yolanda Huergo. «Nun podemos quedar na vieya receta d’invertir n’obres que namás xeneren valor mientres s’executen”, sentenció.

    Reconversión

    La coalición destaca qu’esta propuesta ta alliniada col gran plan d’inversión européu venceyáu a la transición enerxética y el Plan Nacional Integráu d’Enerxía y Clima sofitáu por constructores y sindicatos. «Daría-y un impulsu a la creación d’empléu sosteníu nel tiempu al sector de la construcción”, destaca la vocera. «Ye tamién un plan senciellu d’executar. La reconversión de trabayadores de la construcción sería rápida al ser una tecnoloxía senciella d’instalar y con baxos precios de compra».

    El plan de choque enerxéticu forma parte del documentu que Podemos-Equo Xixón va treslladar a la Xunta de Voceres d’esti vienres. Contempla otres midíes como l’aplazamientu o la bonificación progresiva de distintos tributos municipales como’l IBI, IVTM y el IAE. “De les propuestes d’otros grupos municipales esprendemos que toos defendemos les mesmes midíes básiques pol fechu de ser necesaries. Non toes, pero sigo munches. Ye una bona base pa trabayar. Mientres tean empobinaes a buscar una salida a la crisis xusta, social y sostenible naide va tar en desalcuerdu. D’ésta, hai que salir toos xuntos”, sostien la vocera.

  • Juan Miguel Chaves toma posesión como conceyal de Podemos-Equo

    Juan Miguel Chaves toma posesión como conceyal de Podemos-Equo

    Juan Miguel Chaves yá ye conceyal de Podemos-Equo nel Conceyu de Xixón. El nuevu edil sustitúi nel cargu a Alba González, qu’abandonó’l so puestu nel Plenu p’asumir nueves responsabilidaes nel Ministeriu d’Igualdá. «Ye un honor y espero tar al so altor», defendió’l nuevu conceyal ente un Plenu más vacíu de lo normal. La sesión celebróse de forma semipresencial.

    Al salón de Plenos de la Casa Conceyu namás asistieron los voceros de cada formación. El restu de conceyales siguió la sesión de manera telemática. El conceyal siguió la sesión dende’l Salón de Recepciones hasta’l momentu de tomar de posesión del cargu. Pa respetar la distancia de seguridá, l’alcaldesa, Ana González, convidó-y a recoyer él mesmu la medaya de conceyal. «Coyer usté mesmu», indicó-y la rexidora insistiendo na importancia de cumplir col distanciamientu social.

  • PSOE y XP roblen un protocolu pal siguimientu del alcuerdu de coalición

    PSOE y XP roblen un protocolu pal siguimientu del alcuerdu de coalición

    El PSOE y Xuníes Podemos (XP) roblaron esti miércoles un protocolu de coordinación y siguimientu del alcuerdu de gobiernu de coalición algamáu ente dambes formaciones. El documentu suscritu pol Grupu Parlamentariu Socialista y pol Grupu Confederal de Xuníes Podemos inclúi unos principios básicos de funcionamientu, amás de la creación d’una comisión permanente de siguimientu que revise la so marcha y el cumplimientu los oxetivos que figuren nel pactu. Tamién recueye un compromisu de coordinación y unidá nel ámbitu parlamentariu, según una estratexa de comunicación conxunta y un procedimientu pal resolvimientu de posibles discrepancies.