Foro refuga’l pieslle del aniellu navegable del ríu Piles acordáu pel equipu de gobiernu de PSOE ya IX. Jesús Martínez Salvador va llevar al viniente Plenu una proposición relativa al zarru d’esti equipamientu deportivu. El voceru de la formación reclama al equipu de gobiernu la búsqueda de soluciones «en cuenta de crear más problemes». «El zarru del aniellu navegable tendría de decretase como temporal, mientres se busquen soluciones al verdaderu problema: los arramaos qu’otros equipamientos faen sobro’l ríu».
Martínez Salvador reclamó estudiar alternatives y refugó «tomar decisiones salomóniques que nun solucionen nada». El conceyal reconozco qu’esti equipamientu foi fonte de «distintes problemátiques» dende la so construcción en 2003. El voceru forista recordó que’l mandatu invirtióse mediu millón d’euros en dragar el ríu. «Queremos una solución que nun perxudique tantu al deporte xixonés, solucionando los problemes d’arramaos y conxugando medioambiente, salú y deporte». El conceyal concluyó pidiendo «al restu de grupos políticos que sofiten la so proposición pa que’l Conceyu solucione problemes en llugar de crear más».
