Trés trabayadores de la empresa auxiliar Daorje resultaron firíos nuna esplosión rexistrada nes bateríes de cok de ArcelorMittal en Xixón, informaron a EFE fontes de la multinacional siderúrxica.
La esplosión tuvo llugar pasaes les 14:00 hores nel estremu de la batería 1, nes válvules anti esplosión del gas d’alimentación, precisaron les fontes.
Fuentes de la multinacional siderúrxica n’Asturies esplicaron que’l fueu yá foi controláu pol serviciu d’estinción de quemes de la mesma compañía. Trés trabayadores de la empresa Daorje, qu’empresta servicios auxiliares a ArcelorMittal, resultaron mancaos y foron evacuaos.
Pel momentu, desconócense les causes que causaron la esplosión, asina como l’estáu nel que s’atopen los firíos.
