Un home de 58 años, intoxicáu por fumu nun incendiu en Cangues

El afectáu foi treslladáu al Hospital del Oriente con pronósticu reserváu

0
96

Un home de 58 años resultó afectáu por inhalación de fumu al quemase un sofá nun pisu de Cangues d’Onís. El sucesu producióse na vivienda del afectáu, situada na tercer planta d’un edificu de cuatro plantes asitiáu nel númberu 3 de l’avenida de Cuadonga. Según los datos facilitaos pol Serviciu d’Atención Médica Urxente (SAMU) el varón, de 58 años d’edá, foi atendíu pol equipu médicu de la UVI-móvil de Les Arriondes que darréu lu treslladó al Hospital del Oriente. Foi evacuáu con pronósticu reserváu, por cuenta de más pruebes y hasta nueva valoración médica.

Hasta’l llugar movióse una dotación de Bomberos del Serviciu d’Emerxencies del Principáu d’Asturies (SEPA) con base nel parque cangués. Los bomberos apagaron la quema que se reactivara y sacaron el mueble fora de la vivienda que resultó afectada pol fumu.

El Centru de Coordinación d’Emerxencies del 112 Asturies recibió l’avisu a les 00.35 hores. Na llamada indicaben que taba saliendo fumu de la tercer planta d’un edificiu de cuatro altores. Amás de movilizar a los bomberos ya informar al SAMU qu’unvió los medios sanitarios yá citaos, comunicóse lo asocedío a la Policía Local y a la Guardia Civil.