Una persona resultó mancada de considerancia en cayendo por un terremplén d’unos cinco metros a un tendayu con yerba na zona de la estación, a la entrada de la localidá de Col.lanzo, n’Ayer.
Según los datos facilitaos pol Serviciu d’Atención Médica Urxente (SAMU), l’afectáu, un varón de 61 años, foi atendíu nel llugar del accidente pol equipu médicu de la UVI-móvil de Mieres que lo treslladó al Hospital Universitariu Central d’Asturies (HUCA), n’Uviéu. Por cuenta de más pruebes y hasta nueva valoración médica presentaba politrauma de pronósticu reserváu.
El mancáu foi porteáu polos bomberos, en camilla ñeru, unos 400 metros, dende’l llugar onde cayó, un tendayu qu’almacenaba yerba hasta la zona onde esperaba’l tresporte sanitariu. Hasta’l llugar movióse una dotación de Bomberes del Serviciu d’Emerxencies del Principáu d’Asturies (SEPA) con base nel parque de Mieres.
