El Grupu de Rescate del Serviciu d’Emerxencies del Principáu d’Asturies (SEPA), a bordu del helicópteru medicalizado de Bomberos d’Asturies, treslladó al Hospital Universitariu Central d’Asturies (HUCA) a un varón que resultó mancáu tres volcar col tractor na localidá de Villagrufe n’Ayande. Por cuenta de más pruebes y hasta nueva valoración médica’l so pronósticu ye reserváu.
El Centru de Coordinación d’Emerxencies recibió l’avisu a les 16:24 hores. Na llamada indicóse qu’había una persona atrapada por un tractor. Nel momentu movilizóse al equipu de rescate, a bordu de l’aeronave medicalizada, y a seis efectivos de Bomberos del SEPA, con base en Cangas, que se treslladaron col furgón multisocorro y un vehículu Navara.
Una vegada na zona, los bomberos acontraron al varón accidentáu siendo atendíu polos sanitarios activaos pol SAMU que lo inmovilizaren con un collarín y suministráren-y analxesia. Al paecer l’afectáu, que quedara atrapáu per una pierna, volcara col tractor, foi lliberáu cola ayuda de los vecinos de la zona qu’utilizaron los sos tractores pa mover el vehículu accidentáu. L’equipu de rescate siguió cola atención sanitaria del afectáu, pa de siguío pasalo al colchón de vacíu, pal so posterior treslláu al helicópteru y asina empecipiar la so evacuación al HUCA.
