Un home mancóse tres salir de la vía la furgoneta na que viaxaba cuando circulaba pola N-632 en dirección a Piedrasblancas, Castrillón.
Según los datos facilitaos pol Serviciu d’Atención Médica Urxente (SAMU) el mancáu, un varón de 65 años, foi treslladáu con pronósticu leve, por cuenta de más pruebes y hasta nueva valoración médica, al Hospital San Agustín d’Avilés. Foi atendíu nel llugar del accidente pol equipu médicu de la UVI-móvil avilesina.
L’home que viaxaba como acompañante foi treslladáu del interior del vehículu por efectivos de Bomberos del Serviciu d’Emerxencies del Principáu d’Asturies (SEPA) con base nel parque d’Avilés. Depues de movilizalu con collarín ayudáronlu a salir de la furgoneta y acompañáronlu hasta la carretera onde-y esperaben los sanitarios. El conductor resultó ilesu.
