La Conseyería de Salú va destinar 577.335 euros a programes de polítiques de cohesión sanitaria, de formación pa personal de Medicina, Ondontoloxía, Farmacia y Enfermería, y d’educación sanitaria pa la población, cola fin de promover l’usu racional de melecines.
Esta partida, que supón una medra del 9% respectu al añu anterior, va permitir desenvolver les llinies estratéxiques de xestión de l’asistencia sanitaria asociaes a l’atención farmacéutica, a programes de farmacovixilancia como les alertes de seguridá de melecines y desabastecimientos de fármacos, a sistemes d’información de sofitu a la prescripción y a la formación siguida en materia de resistencies a los antibióticos, ente otros proyectos.
En total, el Gobiernu d’España va repartir 26.879.235 euros ente les comunidaes autónomes, caúna d’elles va percibir una cantidá fixa de 35.000 y el restu va distribuyise en proporción a la so población.
En rellación cola financiación pal desenvolvimientu del Plan Nacional de Donación de Médula Ósea, la partida va aumentar nun 8,4%, hasta algamar los 28.169 euros, que se van destinar a ameyorar los estudios de histocompatibilidá de donantes y receptores, ente otros.
