VESU va estrenar ubicaciones nesti 2024, dambes inédites pa un eventu d’estes característiques: la Central Artística de Bueño (CAB), en La Ribera, y los Xardinos de La Rodriga, nel corazón d’Uviéu.
La CAB ta integrada na redoma de la plaza del pueblu y el so diseñu reinterpreta l’horru, unu de los elementos arquitectónicos más emblemáticos de la localidá, mientres que los Xardinos de La Rodriga, un antiguu pruyimientu de los responsables del festival, son una de les xoyes desconocíes de la capital d’Asturies.
Amás, siguen a la vienta, al traviés de la web www.vesu.es, el segundu tramu d’abonos a un preciu de 39,95€ (+GG), entraes que darréu se trocarán por pulseres d’accesu y pagu nel festival, y que tán disponibles al traviés de la web del festival.
Sigue sumando novedaes d’unu de los festivales más esperaos cada empiezu de branu,
y onde volverá tar presente Cimbla Mahou, la plataforma de música de Mahou Cinco Estrelles que xenera alcuentros al rodiu del directu, demostrando una vegada más el so
compromisu con Asturies y la música.
VESU, que se va celebrar ente’l vienres 21 y el domingu 23 de xunu, yá anunció les seis primeres bandes que van formar parte del cartelu d’anguaño del festival; Xoel López, Fillas
de Cassandra, Rocío Sáiz, Carlos Ares, La Milagrosa y los alemanes Komfortrauschen.
