Esti 2024 va ser un añu de cambios pa VESU, pero tamién d’oportunidaes. Por eso, enantes de dir desvelando piestes de como va ser el festival, VESU quier poner a la venta los sos 100 primeros abonos ciegos y failo a un preciu reducíu pa premiar la fidelidad d’aquellos que siempre sofitaron la música independiente. Les llocalidaes, que dempués van poder canxear por pulseres d’accesu y pagu nel festival, van salir a la venta güei 25 de marzu dende les 12:00h a través de la web www.vesu.es
VESU celebrarase ente’l vienres 21 y el domingu 23 de xunu. “Esti añu tocónos reinventanos y atopar espacios nuevos, pero l’espíritu de VESU sigue siendo’l mesmu de siempre, el que nos xunió dende’l primer día”, explicaba’l director de VESU Íñigo Domínguez.
