La FSA-PSOE celebró esta tarde n’Uviéu la xunta de constitución del grupu de trabayu sobre política llingüística, un órganu impulsáu dende les secretaríes de Bientar Social y Ciudadanía y d’Educación, Política Llingüística y Universidá y del que formen parte los sos responsables, María Fernández y María Luz Pontón. El coordinador del grupu va ser l’activista y traductor, Víctor Suárez.

Nacíu n’Uviéu en 1988, Víctor Suárez ye maestru d’asturianu y divulgador. Tien formación en normalización llingüística y forma parte de la xunta permanente del Conseyu Asesor de Política Llingüística dende la so creación. Como divulgador participó en distintos congresos nacionales ya internacionales. En calidá d’investigador participó nes Xornaes Internacionales d’Estudiu y publicó na revista ‘Lletres Asturianes’ de l’Academia de la Llingua Asturiana. Ye traductor al asturianu de distintes noveles.