Xesús busca los sos predicadores n’asturianu
La Sociedá Bíblica busca locutores pa la grabación d’audiu dramatizáu del Nuevu Testamentu n’asturianu. Col oxetivu d’averar la palabra de Dios a una audiencia más amplia, Sociedá Bíblica busca voluntarios que quieran poner la so voz a disposición del proyectu.
Por esta razón, faen un llamáu a toles persones interesaes en participar nesta iniciativa, pa qu’unvien una grabación de voz cola llectura del Capítulu 1 del Evanxeliu de Xuan n’asturianu (edición del 2021) enantes del 25 de mayu d’anguaño al corréu electrónicu: lafevieneporeloir@sociedadbiblica.org
A partir del 25 de mayu, Sociedá Bíblica va ponese en contactu colos escoyíos al envís d’organizar la grabación, que va entamar dende’l 5 de xunu. A tolos participantes va dáse-yos les orientaciones necesaries con cuenta d’asegurar la calidá y coherencia de la grabación. L’oxetivu d’esti proyectu ye llevar la palabra de Dios a tolos requexos de la comunidá asturiana y facela accesible a aquellos que nun son a lleela por sigo mesmos.
Rellacionao
