El Conceyu de Xixón adelanta a esti sábadu l’entamu de la temporada de baños nes trés sableres urbanes de la ciudá. D’esta manera, San Llorienzo, Poniente y L’Arbeyal cuntarán dende mañana con personal de salvamentu. El serviciu municipal va entamar el so llabor con 16 socorristes, seis llancheros y cuatro auxiliares de sablera. Ye’l mesmu númberu d’efectivos que cada añu s’incorpora a los arenales urbanos mientres les fines de selmana de mayu.
A partir del llunes 1 de xunu’l Serviciu de Salvamentu va tar operativu yá al completu, integráu por 24 socorristes, nueve lancheros y seis auxiliares de sablera. Los socorristes del Serviciu de Salvamentu roblaron esta mañana los sos contratos col Conceyu y a lo llargo d’esta mañana van recibir un cursu de formación sobro procedimientos y prevención frente al COVID-19. El Conceyu de Xixón recuerda qu’esti branu, por cuenta de les llimitaciones establecíes pola crisis sanitaria del Covid-19. Nesti sentíu, namás va haber Salvamentu nes trés sableres urbanes del conceyu.
