La crisis sanitaria xenerada pola pandemia de la Covid-19 paralizó’l mes pasáu la vida nel país. El confinamientu decretáu pol Estáu d’Alarma caltién a los ciudadanos zarraos en casa dende’l pasáu 15 de marzu. Una situación que se va prorrogar hasta polo menos el 26 d’abril. La intención del Gobiernu central ye entamar la desescalada de les restricciones a la movilidá de los ciudadanos a partir d’esa fecha. Sicasí, la prohibición de les aglomeraciones va caltenese.
Esti fechu ta alterando la actividá económica, pero tamién la cultural. La Cometcon foi una de les primeres víctimes d’esta crisis. L’eventu, que per primer vegada diba celebrase en Xixón, aplazóse a fines d’agostu ente la imposibilidá de celebrase nes feches previstes, del 3 al 5 d’abril. El Conceyu de Xixón nun quier anticipase y facer planes pa la programación braniega. «Tamos n’abril y nin siquiera entamemos a discutir esti tema», dixo l’alcaldesa. nun mensaxe espublizáu en Twitter. Ana González refugó d’esta manera los rumores qu’apuntaben a la cancelación de la Selmana Grande de la ciudá. L’alcaldesa foi rotunda nesi sentíu: «Nun ye verdá, ye un bulo«. Al tiempu, animó a la ciudadanía a «tener cuidáu y fianos namás de les informaciones oficiales».
(1/2)📢Comunicado L13 de abril🗓
🚫El Ayto de #Gijón no ha suspendido la #SemanaGrande, es un bulo. Hay que tener mucho cuidado con los bulos que parecen en las RRSS y solo fiarse de las informaciones oficiales.
♻️Mañana se reabre el #PuntoLimpio de #Roces. pic.twitter.com/7NZ27b9ktp
— Gijón (@gijon) April 13, 2020
