La Zona d’Actividaes Loxístiques ya Industriales d’Asturies (Zalia) empecipia la comercialización de los tarrenes de la so primer fase cola puesta a la venta un llote de trece parceles. El conseyu d’alministración de la sociedá aprobó esta mañana los pliegos de condiciones que van regular estes transacciones.
Les empreses interesaes van poder presentar ufiertes hasta’l 30 de setiembre y solicitar tola información que precisen sobre’l procesu al traviés de les canales abiertes pola sociedá. Les primeres parceles que se ponen a la venta son les del sector R, que tán arrexuntaes na mesma zona y delimitaes polos viales estructurantes. Esti sector, amás, atiesta cola área de servicios prevista nesta primer fase.
La sociedá plantega comercializar de forma progresiva los tarrenes pa facilitar l’asentamientu de proyectos estratéxicos qu’actúen como tractores nel tresformamientu del modelu granible asturianu. La primer fase de desenvolvimientu de Zalia cunta con 700.000 metros cuadraos distribuyíos en 61 parceles.
