El Conceyu de Xixón entama la rehabilitación de la fachada este del CMI El Coto
El Conceyu de Xixón, al traviés de la conceyalía de Caltenimientu y Obres Públiques, entamó ayeri, 7 de febreru, la rehabilitación de la fachada y cubierta este del Centru Municipal Integráu El Coto.
En concretu, va restituyise la piedra, van reformase les almenes y va ameyorase el sistema de recoyida d’agües pluviales, poniendo fin a los problemes puntuales de filtraciones d’agua nel edificiu.
Esti contratu foi axudicáu por 207.980’85 euros con un plazu d’execución de 3 meses.
Ye la primer fase d’un proyectu que contempla meyores esteriores en toles fachaes del edificiu y que va dexar aprovir a la cubierta d’una llínea de vida horizontal y d’un accesu seguru a la mesma dende l’interior.
