Por cuenta de les nueves midíes restrictives pa intentar frenar la espansión del coronavirus n’Asturies, 336 empreses volvieron reactivar los sos espedientes de regulación temporal d’empléu . Estos ERTE impliquen a 1.334 trabayadores, según comunicó esta mañana Pedro Fernández-Raigoso, Director Xeneral d’Empléu y Formación.
Como s’informara enantes, la Dirección Xeneral d’Empléu y Formación habilitó un procedimientu pa facilita-y tramitar a aquelles empreses que presentaren enantes espedientes de regulación temporal d’empléu. Esta opción foi acoyida por 177 empreses.
En cuanto al balance actualizáu d’espedientes de regulación temporal d’empléu, dende’l pasáu 1 d’ochobre l’autoridá llaboral aprobó n’Asturies 7.649 ERTE de torga y llimitación qu’impliquen a 30.273 persones y permanecen activos 274 ETOP (ERTE por causes económiques, técniques, organizativas y granibles) con 3.021 persones trabayadores.
Dexamos unes tables resumen de la situación de regulación d’empléu n’Asturies.
