La Xunta de Gobiernu del Consorciu Ferial, presidida pola conseyera Nieves Roqueñí, aprobó güei les cuentes del exerciciu de 2023 y un cronograma pal proyectu de reforma y modernización del recintu Luis Adaro. Les primeres inversiones van empecipiar a lo llargo d’esti exerciciu y van consistir na reforma de la instalación eléctrica y la incorporación de nuevos sistemes de lluz y eficiencia enerxética.
Na xunta, tamién se dio a conocer el datu de visitantes del Recintu Ferial mientres l’añu pasáu, que xubió a 1.482.469 persones. Acordies cola memoria d’actividaes, l’añu pasáu celebráronse 90 eventos que dexaron una ocupación de 210 díes. La Feria Internacional de Muestres d’Asturies, con 743.812 visitantes, y el Festival Metrópoli, con 400.0000, fueron los actos con más visites. Mercaplana (80.000), les dos feries de stocks del comerciu (20.379) y l’Espaciu Mascotes (10.350) fueron los otros trés acontecimientos con mayor asistencia.
