La conseyera de Derechos Sociales y Bienestar y portavoz del executivu asturianu Melania Álvarez informó nuna rueda de prensa sobre los acuerdos adoptaos na xunta del Conseyu de Gobiernu.

Ente los citaos acuerdos, va estudiase demientres esta selmana la posibilidá de reabrir el comerciu minorista afectáu pol cese d’actividá dende’l pasáu miércoles en toa Asturies. Melania Álvarez considera «razonable» que s’amplíe’l toque de queda vixente per dos selmanes más, al igual que los zarros perimetrales d’Uviéu, Xixón y Avilés que se van enllargar dende mañana catorce díes más.

Esta propuesta tendrá d’adoptase mientres esta selmana, pero «ye lóxico pensar que se va prologar esta midida». Señala tamién que, si se caltien l’actual situación, Asturies «va caltener la petición del confinamientu domiciliariu» que yá foi refugada pol Ministeriu de Sanidá.