El presidente d’Asturies, Adrián Barbón, va nomar director de gabinete a Manuel Granda Díaz de la Campa (Avilés, 1971). Llicenciáu en Ciencies de la Información pola Universidá Complutense de Madrid y máster n’Opinión Pública y Comunicación pola Fundación Jaime Vera, cursa n’actualidá’l grau d’Hestoria na Universidá Nacional d’Educación a Distancia (UNED). Dende 1997 trabaya nel gabinete de prensa del Conceyu de Torrejón de Ardoz (Madrid), del que foi xefe mientres los distintos gobiernos municipales socialistes. Foi secretariu d’organización de Jóvenes por la Democracia y el Socialismu y militante de les Mocedaes Socialistes d’Asturies nos noventa.
José Manuel Piñeiro Álvarez va ocupar la dirección de Comunicación del Gobiernu
Foi miembru fundador y presidente de la organización estatal Jóvenes por la Ecología y vicesecretariu xeneral de l’agrupación socialista del distritu Centru de Madrid. Nos años últimos, el so compromisu social centróse na defensa de la educación pública al traviés del movimientu asociativu madrilanu.
José Manuel Piñeiro Álvarez (Ponteareas, Pontevedra, 1963) ye llicenciáu en Ciencies de la Información pola Universidá Complutense de Madrid. Dende’l 2012 ta al mandu de la oficina de comunicación del Gobiernu del Principáu. De 2009 al 2012 foi xefe de gabinete de la Sindicatura de Cuentes. Enantes, trabayó en dellos medios de comunicación asturianos nos qu’exerció distintes responsabilidaes. Asina, foi redactor, xefe de sección y redactor xefe d’información política, económica, rexonal y sucesos del diariu ‘La Nueva España’ (1993-2009) y tamién d’información política y rexonal en ‘La Voz de Asturias’ (1987-1993).
Amás, desempeñó’l so llabor n’El Correo de Asturias (1986-1987) y ye coautor de los llibros ‘La transición en Asturias’ (1995) y ‘Cascos, el poder de la sombra’ (1997). Nel 1996 recibió’l Premiu ‘Asturias’ de periodismu que concede’l Centru Asturianu de Madrid por una serie de reportaxes sobre la transición. Participó como comentarista pa emisores radiofóniques y televisives, siempres n’alderiques rellacionaos cola actualidá política.
