La Delegación del Gobiernu n’Asturies va repartir ente’l llunes y el martes 228.000 mázcaros sanitarios. D’ello van encargase les 31 agrupaciones de voluntarios de Protección Civil operatives n’Asturies. El material va entregase a les persones que tienen qu’allegase a trabayar, que faen usu del tresporte públicu y pa quien ye complicáu caltener la obligatoria distancia de seguridá.
Los horarios y llugares de les reparties consensuaronse cola Dirección Xeneral de Movilidá y el Serviciu d’Emerxencies. Los mázcaros entregaránse nes estaciones d’autobús y tren de tolos conceyos n’horariu de 7:45 a 9:00, de 14:00 a 15:00 y de 19:00 a 21:00. Nes hores restantes Protección Civil va centrase nes llínees urbanes ya interurbanes de tresporte. Amás, va reforzase la repartida nos hospitales públicos. La Policía Nacional, la Guardia Civil y les policíes locales van reforzar la so presencia nes estaciones de tren y d’autobús. Comprobarán que los movimientos sían xustificaos.
