El Gobiernu d’Asturies y la Xefatura Provincial de Tráficu d’Asturies van poner nueves midíes pa reforzar la seguridá vial na carretera AS-117, el corredor del Nalón. Ente elles, destaquen l’amenorgamientu de la llende de velocidá, l’allugamientu de radares fixos y de tramu, la meyora de la señalización horizontal y vertical y la instalación de medianes de formigón.
El conseyeru de Fomentu, Cooperación Local y Prevención de Quemes, Alejandro Calvo, va axuntase’l próximu llunes colos alcaldes del valle del Nalón pa informa-yos de les acciones a desenvolver y coordinar toles actuaciones.
Calvo aportunó en que l’amenorgamientu de la siniestralidá ye una esmolición prioritaria pal Executivu rexonal, especialmente nel AS-117, y repitió el compromisu d’entainar no posible cualquier midida pa reforzar la seguridá na vía.
