El Gobiernu d’Asturies concluyó les obres de meyora del paséu marítimu de Cuideiru, nes que s’invirtieron 95.272 euros. L’actuación, llevada a cabu pola Conseyería de Fomentu, Cooperación Local y Prevención de Quemes, dexó reparar los daños provocaos pol temporal de finales de febreru na zona.
Los trabayos, que se centraron en reparar la estructura de la zona del paséu que sufrió un fundimientu por cuenta de la intensidá de les agües, consistieron en construyir un nuevu muru de formigón y restituyir el suelu afectáu con materiales iguales a los yá esistentes.
Amás, n’asegurando la talú rocosu y el so anclaxe, repunxéronse les escaleres d’accesu al espigón, con revestimientos similares a los qu’esisten nel restu del paséu, ya instaláronse elementos de seguridá como una barandiella. A lo último, asitióse de nuevu’l bancu de piedra que se quitara mientres la execución de les obres.
