Mañana martes, día 25 d’ochobre, el Serviciu d’Emerxencies del Principáu d’Asturies (SEPA) y los titulares de diez preses de la rexón van activar en manera de prueba’l sistema acústicu de serenes emerxencies disponible p’alvertir a la población d’una posible catástrofe. La finalidá ye que la población que pudiera vese afectada en casu de frayatu de la presa sepa cómo actuar. Identificar esti soníu y saber qué midíes de autoprotección tienen d’aplicar.
El soníu d’estes serenes algama aquelles zones que quedaríen inundaes na primer media hora dende’l frayatu de la presa. Les serenes de cada presa actívense toes al empar pero cada instalación va realizar la so prueba de forma individual y según l’orde consensuáu nel comité d’implantación.
Los responsables de cada instalación van comunicar al 112 l’activación de les serenes col soníu d’alerta y pasaos aprosimao unos 10 minutos van echar voz de l’activación de les serenes col mensaxe indicativu de fin d’alerta.
El soníu d’alerta consta de 3 tramos d’un minutu de duración, con soníu ascendente, dixebraos por intervalu de 5 segundos de silenciu. El de fin de l’alerta ye una señal siguida de 30 segundos.
