Les obres de sustitución de la cubierta del pabellón deportivu de Perchera – La Braña van empezar esti llunes. Los trabayos van consistir en desmontar la esistente para instalar un nuevu panel prefabricáu tipu sándwich de chapa d’aceru lacada. La nueba cubierta va esaniciar les filtraciones y condensaciones, amás d’aisllar dafechu les instalaciones pal so correctu funcionamientu.
Coles mesmes van asitiase llínees de vida pa facilitar el futuru caltenimientu preventivu de la cubierta. Tamién se va ameyorar el sistema de ventilación del pabellón y el sistema de saneamientu de pluvial. Les lluminaries de la pista que tean rotes o estropiaes tamién van ser reemplazaes por otres equivalentes de tipu LED pa mayor aforru enerxéticu.
El Conceyu de Xixón axudicó la llicitación d’esti proyectu a la empresa Ovinorte S.L. por 117.975,00 euros y un plazu d’execución de 2 meses. La Conceyalía de Deporte ta realizando diversos arreglos y llabores de caltenimientu nes instalaciones deportives de la ciudá pa que tean en bones condiciones cuando se retome l’actividá nes mesmes.
