Emulsa clausura trés puntos llimpios y concentra l’actividá en Roces

El Centru de Tresportes sigue abiertu

0
643

Emulsa pieslla dende esta mañana los puntos llimpios de Tremañes, Somió y La Calzada. Tola actividá va concentrase nel de Roces, que va permanecer abiertu con horariu normal. Mientres dure l’estáu d’alarma la empresa municipal caltién con normalidá el serviciu de recoyida de borrafes. El serviciu realízase en trés turnos de trabayu pa evitar andaes ente los trabayadores y favorecer la rotación de vehículos. La empresa ta encargándose de la llimpieza de les cais de mayor arribación de persones.

Per otra parte, el Centru de Tresportes sigue abiertu. El centru caltién tolos sos servicios operativos, les 24 hores de los siete díes de la selmana. Los trabayadores d’alministración pasaron a teletrabayar, ente que porteríes, caltenimientu y xerencia trabayen de manera presencial, con toos los protocoles d’hixene y seguridá activaos. Toles prestaciones del  centru tán operatives, especialmente pa quien precisen faer una parada pa colgar, asearse y alimentase. El centru cunta con servicios d’aséu y duches. Tamién permite recibir entregues de comida preparada. Les tarifes pa vehículos en tránsitu son flexibles, l’importe de les primeres cuatro hores ye de 0’023 euro minuto, amenorgándose progresivamente y quedando conxeláu en 10’75 euros, pa estancies d’ente 12 y 24 hores.