El Conceyu de Xixón va empecipiar mañana güei vienres la retirada del argayu que caltién cortáu’l pasu na sienda del Cervigón al altor de la sablera de Peñarrubia y que s’anició’l pasáu día 4 de xineru por cuenta de les intenses agües cayíes.
Amás de la llimpieza del material desprendío, va estabilizase la turria cola construcción d’una escollera y va reponese el firme del paséu afectáu.
Los trabayos, que van ser realizaos pol serviciu de Parques y Xardinos, van durar alredor de dos selmanes. Por cuenta de la complexidá de los llabores y a la necesidá d’emplegar maquinaria pesada, la sienda va permanecer zarrada nel llugar de la incidencia mientres esi tiempu.
