La conceyala d’Izquierda Xunida, Noelia Ordieres, anunció que dende’l so grupu municipal van presentar una propuesta pa que s’estudie la posibilidá d’instalar un elementu de zarru, similar a una portiella, na escalera 24 al altor de la sablera de ‘El Rinconín’, a la que los perros pueden aportar mientres los 365 díes del añu.
Ordieres considera que ‘cola instalación d’esti elementu, que se trataría d’una obra menor y de baxu costu pa les arques municipales, ameyoraríase la seguridá pa los mesmos usuarios de la sablera de perros y los viandantes del paséu marítimu, yá que sirviría como elementu de prevención si un perru escápase’. La conceyala reconoz que ‘a pesar de que pueda paecer que nun ye un sucesu habitual, tolo que seya inversión en prevención ye positivu,’ y recuerda que’l pasáu añu yá vivimos dellos episodios de perros que por dalguna reacción escapáronse en zones abiertes como El Solarón o la mesma sablera de San Llorienzo’.
Per otra parte, dende Izquierda Xunida anunciaron que van caltener la so propuesta d’estender l’accesu de los perros a la sablera de San Llorienzo n’horariu nocherniegu mientres la temporada de baños. Señala Ordieres, que ‘magar de la repitida negativa del gobiernu local, ye un pidimientu de los usuarios y les usuaries que supondría una meyora pa la nuesa ciudá, que tien más de 40.000 canes censaos’.
