El Principáu invierte 59.880 euros na meyora de viales en Somiedu

Los trabayos cunten con un presupuestu de 59.880 euros y un plazu d'execución de dos meses

0
638
El Principáu invierte 59.880 euros na meyora de viales en Somiedu
Imaxe d'archivu de Somiedu. / Pixabay

El Gobiernu asturianu empecipió les obres de pavimentación de distintos caminos de la población d’El Vaḷḷe del Ḷḷagu, nel conceyu de Somiedu. Los trabayos cunten con un presupuestu de 59.880 euros y un plazu d’execución de dos meses. La meyora de viales va centrase nos caminos que comuniquen l’entamu del pueblu col final del barriu de La Quintana y van asitiase valles de madera que s’adapten a la redolada a lo llargo del percorríu.

El Vaḷḷe del Ḷḷagu ye unu de los principales pueblos del conceyu. Rexistra una importante arribación de turistes por ser el puntu d’entamu de la sienda que va hasta El Ḷḷagu del Vaḷḷe. Cuenta amás con una cabana ganadera considerable.