La Braña estrena campu

Camudóse'l verde artificial por unu d'última xeneración, reutilizando parte de la carga p'amenorgar borrafes y costos

0
138

La Braña tien campu nuevu. El Conceyu recepcionó’l martes les obres acometíes nesti campu. El plazu d’execución foi d’un mes y l’importe d’axudicación 147.607’90 euros . Camudóse’l verde artificial por unu d’última xeneración, reutilizando parte de la carga (arena y cauchu) col fin d’amenorgar borrafes y costos. El verde retiráu va reutilizase para otros usos, unviando solo una mínima parte al vertideru. Ente les meyores acometíes inclúyense tamién seis porteríes, banderinos de corner y tamién se realizaron ensayos d’homologación FIFA Quality.