L’ Ayuntamientu de Llangréu cola collaboración de La Felguera Colectivu Cultural van poner en marcha’l Festival Internacional de la Cerveza Artesano de Llangréu los díes 14, 15 y 16 d’abril nos xardinos de la Pinacoteca Municipal Eduardo Úrculo.
La programación musical pa FICAL23 contempla una ufierta de gran nivel con actuaciones en dos escenarios a cargu de los siguientes grupos: BANDA GAITES CONCEYU DE LLANGRÉU, KINKIS GRUÑONES, LOS JIMAGUAS, INTERNATIONAL HARDCORE ALL STARS, O’FUNK’ILLO, DIXEBRA, SKAMA LA REDE, POLEMIKA, PIN PALS, MAUSOLEO, NIÑA COYOTE ETA CHICO TORNADO, MIGUEL COSTAS, 2 INSOLENTES, TERRENAL Y LOS BÁRCENAS.
La selección de les cerveceres participantes en FICAL se manda pola calidá de les sos ellaboraciones y teniendo en cuenta como requisitu pa la participación la presencia del maestru o maestra cervecera de la marca. Esto cobra especial importancia dende un puntu de vista didácticu y divulgativu pa poder conocer de primera mano los procesos y técniques de fabricación y qué tipos de maltes, llúpulos, llevadures u otros materiales s’utilicen nos procesos. Nesta edición 2023 van tar en Llangréu 19 cerveceres d’ámbitu asturianu, nacional ya internacional: CALEYA, ASTURIAS BREWING COMPANY, D’EQUI, NAPARBIER, LAUGAR, DOUGALL’S, SÁEZ & SON, GARAGE, LA PIRATA, LA GRÚA, REDNECK, SALTUS, BASQUELAND, SAN FRUTOS, 3 MONOS, LERVIG, PRIZM, AKIA BRIGGHUS Y BREW BY NUMBERS.
Gastronómicamente, el festival va adaptase a tolos gustos y necesidaes, con comida sin gluten, vegano, vexetariano, tex-mex, d’inspiración oriental, venezolano y de races autóctones asturianes y gallegues cola presencia nel festival de 7 foodtrucks: LES CALEYES, LUJURIA, LA PAVONETA, LA CHAMA, LOS MEXICANOS, ASTURSABOR, ROCK&DOG.
L’actividá alredor de la cerveza va complementase coles charres: Cata maridaxe cerveces y quesu a cargu de David Montes, David Castañón y Pablo Vizcaíno; y Compañeru dame Birra a cargu de Pablo David García Fernández de GRISU BEER. FICAL23 va conceder dos gallardones, el FICALÍN pa la meyor cerveza y el FICALUCU, premiu especial del públicu.
El festival tamién va disponer d’un espaciu ludoteca con xuegos y talleres pa neñes y neños y un espectáculu d’animación de cai.
Deja una respuesta