Pa tolos xixoneses ye bien conocida la fonte de Pelayo, la de la Plaza del Carmen o lo que d’antiguo taba asitiada en Begoña. Nesta serie de fontes de Xixón, tamién ta la Fontica, que quiciás nun seya tan grande y afayadiza a la vista de la xente, pero ye la más antigua de la villa.
Con un manantial natural usáu dende fai más de 2.000 años, la Fontica ye la fonte más antigua de Xixón. Hai testos qu’apunten a la casi total seguridá de que les sos agües tuvieren un papel protagonista nel pasu de los romanos de la Campa Torres al Cerru de Santo Catalina, asocedíu ente los sieglos I ya II de la nuesa era. Una de les sos canalizaciones abastecía al conventu de Recoletes, más tarde fábrica de Tabacos, y al pie de la Fonte Vieya, abasteció a tola ciudá hasta la trayida d’agües de La Guía, acometida a finales del sieglu XVII.
