La plataforma Valle del Agua va realizar concentración de vecinos el vienres 29 de payares nel espaciu del sondéu illegal (nuna parcela na que nun tien permisos) que ta realizando la empresa Minersa en Vega, Xixón, a les 17:00 de la tarde.
El sondéu ta asitiáu na finca polígonu 70, esquina 44 de Xixón pero l’espediente númberu 100326B/2022 del Conceyu de Xixón que recueye l’espaciu de los sondeos nun ampara la realización d’obra dalguna na parcela 44 del polígonu 70.
L’Asociación de Vecino San Emiliano de Vega recuerda que la perforación de Paniceres ta realizándose a menos de 50 metros de viviendes; nuna zona medioambientalmente mui sensible yá que nesta parcela ta la conocida nel planu del Conceyu de Xixón como fonte Paniceres y como fonte la Llosica na cartografía catastral, mui próxima a la nacencia del regueru que baxa de Paniceres al regueru d’Aroles y que les sos agües acaben nel ríu Piles.
