La Unidá Canina de la Policía Local de Xixón convirtióse en referencia a nivel estatal. N’esi sentíu, trés axentes y el xefe de la Unidá de la Policía Llocal de Bilbo moviéronse a la nuesa ciudá con dos perros pa intercambiar esperiencies ya información. Van realizase ensayamientos y entrenamientos conxuntos cola Policía Local de Xixón güei y mañana coles mires de treslladar al País Vascu la forma de trabayu de perros duales’, esto ye, de los canes especializaos tantu en detección de drogues como en defensa.
Esti marcu de collaboración establecese en 2020 énte’l procesu de remodelación de la Unidá Canina de la Policía Local de Bilbo, del que Xixón ye exemplu. Nel mes de febreru d’esi añu, visitaron per primer vegada la Xefatura de la Policía Local del nuesu conceyu pa conocer cuáles son les funciones que desempeña ya interesase sobro la figura de guía canín en patrulla, qu’implica la incorporación d’un perru como un axente más na vez de trabayu.
L’intercambiu pon en valor los 30 años de trayectoria de la Unidá Canina de la Policía Local de Xixón, que dende la so creación en 1989 convirtióse en referencia dientro de les Policías Locales como sofitu a la Seguridá Ciudadana.
Amás, quepe señalar que n’ochobre de 2019 recibió la distinción a les Iniciatives y Bones Pŕactiques UNIJEPOL (La Unión Nacional de Xefes y Directivos de la Policía Local).
