L’asociación vecinal de Nuevo Xixón, Perchera y la Braña reclamen meyores pal barriu, amosando delles propuestes y reivindicaciones en distintes materies como son: participación, equipamientos deportivos, parques y xardinos, movilidá, salú y modelu de barri Estes cuestiones, dalgunes d’elles que lleven años plantegándoles, son consideraes como «básiques p’ameyorar el nuesu barriu», argumenten. «Creemos que munches d’elles nun precisen grandes partíes presupuestaries sinón una voluntá clara de tener en cuenta les necesidaes y derechos de más de siete mil habitantes de la ciudá», rematen.
Dalgunes d’estes reclamaciones son una mayor participación nes propuestes, diseñu y toma de decisiones sobro les cuestiones que nos afecten a los vecinos del barriu, el caltenimientu de los equipamientos deportivos del barriu, la puesta en marcha d’un proyectu comuñal integral d’ociu, deporte y salú que dinamice’l barriu y la zona nes antigües instalaciones del Soccer World. D’otra banda, tamién reclamen una meyora de les zones infantiles y llimpieza del Parque Avelino Vidal, un rearboláu y adaptación del Parque Víctor Fernández Suárez y un caltenimientu, llimpieza y curiáu de les zones verdes esistentes.
Xunto a ello, reclamen un meyor modelu de barriu, col aumentu d’espacios públicos que cohesionen el barriu de cara al futuru. una compensación pola permuta de suelu públicu pal hospital Quirón y la xestión comuñal de les antigües instalaciones del soccer world.
