Dende l’Asociación vecinal de Nuevu Xixón, Perchera y la Braña énte la preparación del presupuestu del Conceyu de Xixón pal añu 2024 tán llevando a cabu una campaña pa reclamar la incorporación nel mesmu de dos inversiones imprescindibles pa la nuesa zona.
D’una banda, soliciten la partida presupuestaria pal valtamientu y llimpieza de les antigües instalaciones del Soccer World que nun s’atopen en condiciones pal so usu, como primer pasu pa recuperar esi espaciu públicu pal barriu. Per otra parte, soliciten una partida presupuestaria pa la meyora y caltenimientu de los parques Avelino Vidal y Víctor Fernández Suárez.
Énte la falta de respuesta y diálogu per parte del Conceyu de Xixón , deciden convocar una asamblea vecinal el 30 de Payares a les 19:30 pa preparar movilizaciones y consiguir que se tengan en cuenta unes demandes xustes ya imprescindibles.
Amás, siguen cola presentación de quexes al Conceyu pola falta d’inversiones nel nuesu barriu y los problemes qu’esto xenera.
