El Conceyu de Llangréu acaba d’axudicar por 549.454,94 euros (IVA incluyíu) el contratu pa les obres del plan d’asfaltaos incluyíu nes inversiones con cargu al remanente municipal. Les actuaciones tán estremaes en dos llotes, acondicionamientu de víes urbanes y asfaltáu de caminos rurales, y les obres van empezar nes próximes selmanes, una vegada que se formalizaren tolos trámites coles empreses axudicataries.
Los trabayos nes víes urbanes, axudicaos a la empresa Pavitek 2010 por 440.366,18 euros (IVA incluyíu), inclúin actuaciones nos siguientes 22 puntos del conceyu:
– Accesu al polígonu industrial de Valnalón dende la gasolinera. Plazu d’execución: una selmana.
– Cai El Pontico y tramu de la cai Gabino Alonso en Lada. Plazu d’execución: una selmana.
– Carretera a Cabaños. Plazu d’execución: dos selmanes.
– Avenida de La Reguera. Plazu d’execución: una selmana.
– Barriu de Cobranes en Riañu. Plazu d’execución: una selmana.
– Arreglu del pasu eleváu de la cai Melquiades Álvarez en La Felguera. Plazu d’execución: una selmana.
– El Pontico (Sama). Plazu d’execución: dos selmanes.
– Los Llerones-La Caponá. Plazu d’execución: una selmana.
– Cai Cuesta D’Arcu. Plazu d’execución: una selmana.
– Cuesta Villar. Plazu d’execución: dos selmanes.
– Accesu al campusantu de Riañu. Plazu d’execución: trés díes.
– Cai Luis Ameza y Flórez Estrada en La Felguera. Plazu d’execución: una selmana.
– Corrección del defectu na rasante del colexu Benedicto Bembibre en Lada. Plazu d’execución: trés díes.
– Cai Esteban Fernández Rebollos en Sama. Plazu d’execución: una selmana.
– Tramu de La Casona a La Texera. Plazu d’execución: dos selmanes.
– Cai Los Infanzones en Ciañu. Plazu d’execución: una selmana.
– Cai Lucio Villegas y Torre de los Reis na redolada del Sanatoriu Adaro. Plazu d’execución: una selmana.
– Carretera de Tiuya a El Tabayón. Plazu d’execución: dos selmanes.
– Cai Manuel Rodríguez en Sama. Plazu d’execución: dos selmanes.
– Patiu del colexu públicu Clara Campoamor en Riañu. Plazu d’execución: dos díes.
– Cai Inxenieru Fernández Casariego en La Felguera. Plazu d’execución: una selmana.
– Plaza Antonio R. Felgueroso en Sama. Plazu d’execución: trés selmanes.
Nesti llote, destaquen pola so cuantía los trabayos nel barriu d’El Pontico y la cai Gabino Alonso, en Lada, y na cai Inxenieru Casariego, en La Felguera. Cada unu d’esos proyectos ta presupuestáu en más de 48.000 euros.
Los asfaltaos de caminos rurales, axudicaos en 109.088,76 euros (IVA incluyíu) a la empresa PJR Xestión, inclúin actuaciones en siete puntos del conceyu:
– Paniciri. Plazu d’execución: cinco díes.
– Accesu al Mallau Miguel. Plazu d’execución: diez díes.
– Camín internu del pueblu de Riberu. Plazu d’execución: cinco díes.
– Camín de Reguerines. Plazu d’execución: diez díes.
– Cardiñuezo. Plazu d’execución: cinco díes.
– Camín d’El Bravial. Plazu d’execución: cinco díes.
– Camimo de La Llamosa. Plazu d’execución: cinco díes.
Nel llote de les intervenciones en caminos rurales, destaca pol so costu la obra nel accesu al Mallau Miguel, que’l so presupuestu supera los 49.000 euros.
«Ensin dulda, esta ye una de les partíes d’inversión más importantes de les que financia’l remanente. Pola so cuantía, en concencia, que ye bien importante y un gran esfuerzu per parte del Conceyu. Pero tamién pola so visibilidá y pol serviciu esencial qu’empresta a los vecinos. El caltenimientu de les cais y los caminos siempres va ser una prioridá pa esti equipu de gobiernu», señala l’alcaldesa, Carmen Arbesú.
