L’arreglu d’un pontón y la meyora del drenaxe d’un segmentu de la carretera AS-238, que xune Avilés y el cabu Peñes, va obligar a la Conseyería de Mediu Rural y Cohesión Territorial a cortar la vía a partir del próximu llunes, día 22, nel puntu kilométricu 9,9, en Gozón.
El zarru al tráficu va ser total y va caltenese hasta’l martes 30 de payares, cola esceición del sábadu 27 y el domingu 28, xornaes nes que la vía va permanecer abierta con motivu de la fin de selmana.
El restu de los díes, la Dirección Xeneral d’Infraestructures Viaries y Portuaries va habilitar dos esviadures alternatives pa los usuarios. Pa circular en sentíu Avilés va haber que transitar pela carretera GO-10, ente que pa faelo a la inversa, escontra Peñes, podrá utilizase la GO-13
