Xixón al día

Etiqueta: obres

  • Obres Públiques va siguir les obres de renovación de pavimentu na zona centru peles cais Ceán Bermúdez y García Blanco

    Obres Públiques va siguir les obres de renovación de pavimentu na zona centru peles cais Ceán Bermúdez y García Blanco

    El Conceyu de Xixón, al traviés de la Conceyalía d’Obres Públiques y Proyectos de Ciudá, va siguir les obres de renovación de pavimentu na zona centru peles cais Ceán Bermúdez, ente Manuel Llaneza y Frai Ceferino González, y García Blanco.

    Los díes 3, 4 y 5 de xineru de 2023 van executase los llabores de fresáu y posterior pavimentación en diches víes, por tanto, van producise restricciones intermitentes a la circulación de vehículos.

    Trátase de los trabayos axudicaos a la empresa Alvargonzález Contratas por 243.954 euros qu’empezaron el llunes 19 d’avientu con un plazu d’execución d’un mes y mediu. Tán previstos na partida destinada a ‘Meyora viaria en zona urbana’ del contratu de Caltenimientu y Meyora de la Infraestructura Viaria y Espacios Llibres nel conceyu.

  • Finalicen les obres de pavimentación del Camín de les Corves en Porceyo

    Finalicen les obres de pavimentación del Camín de les Corves en Porceyo

    El Conceyu de Xixón remató les obres de pavimentación del Camín de Les Corves, que da serviciu a cuatro viviendes, delles finques y edificaciones auxiliares de la parroquia de Porceyo.

    Los trabayos realizólos personal procedente del Plan d’Empléu Local 2022/2023 so la dirección de la Sección de Brigaes Rurales, en concretu, un xefe d’equipu, cuatro oficiales de segunda y cuatro peonos ordinarios.

    Actuóse sobre 1561 m² de superficie y 290 metros de llargor d’una vía que presentaba múltiples baches y erosiones por cuenta de la escorrentía de l’agua. Pa solucionalo, amás del formigonáu y l’allugamientu de la correspondiente barrera de seguridá, construyóse una rede de drenaxe.

  • Xixón remata les obres del Camín Real en La Pedrera

    Xixón remata les obres del Camín Real en La Pedrera

    El Conceyu de Xixón remató les obres de recuperación y estabilización del Camín Real, allugáu na parroquia de La Pedrera. Trátase d’un camín de 756 metros de llargor que da serviciu a cinco viviendes y múltiples finques.

    El primer tramu de 506 metros de tierra presentaba defectos causaos pola escorrentía de les agües superficiales y 200 metros taben cerraos por maleza. Los trabayos, nesti casu, consistieron na roza y recuperación de la vía y nel estendíu y compactación d’una capa de 25 centímetros de zahorra. Amás, construyéronse curties d’adoquinos sobre una llosa de formigón de forma tresversal pa favorecer el drenaxe.

    El segundu tramu, de 250 metros de zahorra, tenía blandones, baches y escarecía de la rede de drenaxe d’agües superficiales. Por tanto, pavimentóse’l firme y formigonáronse les cunetes.

    L’actuación, redactada y empobinada pola Sección de Brigaes, llevar a cabu personal procedente del Plan d’Empléu 2022/2023 del Conceyu de Xixón/Xixón, en concretu, trés oficiales de segunda y cinco peonos ordinarios. En total, interviénose en 2817’45 m² de superficie con un presupuestu de 145.439’94 euros y un plazu d’execución de cuatro meses.

  • El teyáu de la rula de Llastres va sufrir una reforma integral

    El teyáu de la rula de Llastres va sufrir una reforma integral

    La Conseyería de Mediu Rural y Cohesión Territorial axudicó por 195.297 euros a la empresa Promogrado S.L. les obres de renovación integral del teyáu del edificiu alministrativu de la rula de Llastres, en Colunga.

    Esta actuación, que va dotar les instalaciones d’una nueva xeometría que va ameyorar notablemente’l diseñu actual, inclúi tamién intervenciones sobre los bistechos y el teyáu de la nave. Nesti sentíu, va sustituyise’l material esistente por otros que van aumentar sustancialmente la eficiencia enerxética de la instalación. Los trabayos na rula tienen un plazu d’execución de trés meses y cunten con financiamientu del Fondu Européu Marítimu y de Pesca (FEMP).

    Estes obres, que s’enmarquen na Estratexa pal sector pesqueru d’Asturies 2021-2030, impulsen la modernización del sector y promueven tamién el relevu xeneracional. El Principáu pretende ameyorar sustancialmente les condiciones de trabayu na pesca, con instalaciones modernes y competitives. Asina, la combinación de los métodos artesanales emplegaos pola flota asturiana y de les meyores nos equipamientos onde se procesen les captures va dexar poner en valor los pexes y mariscos desembarcaos y rulados.

    Al marxe d’esti proyectu, el Principáu llevó a cabu otres intervenciones nel puertu de Llastres, onde l’añu pasáu estableció un puntu d’información turística ya instaló la esposición permanente Nuesa mar y les sos xentes, coles mires de sopelexar l’importante llabor desenvueltu pol sector pesqueru.

  • 380.000 euros pa la reparación de la carretera VA-5, ente Castañéu y Alienes, en Valdés

    380.000 euros pa la reparación de la carretera VA-5, ente Castañéu y Alienes, en Valdés

    La Conseyería de Mediu Rural y Cohesión Territorial axudicó a la empresa Inxeniería d’Obra Civil y Construcción d’Asturies S.L. l’arreglu del tramu de la carretera VA-5, que xune Castañéu y Alienes, nel conceyu de Valdés, por 381.150 euros. Les obres, que tienen un plazu d’execución de siete meses, van centrar na meyora de los 2.700 metros que dixebren estes dos poblaciones valdesanes.

    Los trabayos inclúin la llimpieza, el fresado, l’aplicación d’una nueva capa de rodadura, la construcción de cunetes y la renovación de la señalización horizontal y vertical nesti tramu de DIR-5, col fin d’amontar la seguridá y la funcionalidad de la vía, que xune la nacional N-634 cola carretera local de primer orde AS-359 (Pontigón-Tinéu), al traviés de 10,5 kilómetros.

  • Anicien les obres de meyora de la carretera AS-23 ente Mántaras y A Roda, en Tapia

    Anicien les obres de meyora de la carretera AS-23 ente Mántaras y A Roda, en Tapia

    El Principáu punxo en marcha güei les obres de meyora de la carretera AS-23, que xune les localidaes de Mántaras (Tapia) y Llagar (Castropol), nel tramu de 5,4 kilómetros que dixebra l’enllaz cola N-634 y la localidá d’A Roda. L’actuación, que s’axudicó en 434.299 euros, cuenta con financiamientu del Fondu Européu de Desenvolvimientu Rexonal (Feder).

    L’AS-23 ye una importante exa de comunicaciones comarcal, tanto pa la zona interior del propiu conceyu de Tapia de Casariego como para dar accesu a la carretera N-634 y a l’autovía del Cantábricu, dexando la movilidá escontra estes víes dende les comarcales AS-31 (As Figueiras- A Roda), AS-32 (Tol- Serantes) y otres víes d’ámbitu local.

    La meyora d’esta exa comarcal va facilitar la movilidá de los habitantes del mediu rural, reforzando la seguridá y fiabilidá de la vía nos sos desplazamientos. Les obres van consistir na llimpieza y el fresado de la vía p’aplicar, darréu, dos capes d’asfaltu d’amiestu bituminoso en caliente: una de regularización y otra de rodadura de 5 centímetros d’espesura. Amás, tamién tán previstes actuaciones p’ameyorar el drenaxe de la carretera. Ente elles, destaquen l’allongamientu de dos caños, la sustitución d’otru, la execución de drenaxe soterrañu y la construcción de 380 metros de cuneta de tipu bordiellu y otros 230 metros de cuneta tipo ‘V’. A lo último, van reponese les balices y va anovase la señalización vertical y horizontal del vial nel tramu.

  • L’Ayuntamientu de Xixón remata la pavimentación de los tramos de dos caminos de Deva y Caldones que dan accesu a viviendes

    L’Ayuntamientu de Xixón remata la pavimentación de los tramos de dos caminos de Deva y Caldones que dan accesu a viviendes

    El Conceyu de Xixón remató la pavimentación de trés tramos del Camín de Ruseco en Deva y d’un del Camín de Bobies en Caldones, esto ye, d’aquellos puntos nos qu’hai viviendes pa evitar, d’esta miente, les emisiones de polvu que xeneraba la zahorra de diches víes.

    En concretu, en Deva actuóse sobre una superficie de 1245’3 metros2 y 220 metros de llargor con una inversión total de 51.858’57 euros. Nel Camín de Bobies en Caldones,  pavimentáronse 75 metros y 431’032 con una inversión de 18.781’41 euros, lo que supon un total de 70.639’98 euros pa dambes intervenciones.

    Les obres realizáronles un xefe d’equipu, trés oficiales de segunda y cuatro peonos ordinarios, personal procedente del Plan d’Empléu 2021/2022 del Conceyu de Xixón. Consistieron nel saneamientu de enanchar, hormigonar el firme, construyíu de cunetes y tubos so la calzada pa dotar a los caminos d’una rede de drenaxe de les agües superficiales.

    El conceyal de Distritu Rural, Ramón Tuero, y el conceyal d’Empléu, Santos Tejón, visitaron la finalización de los trabayos ya incidieron en que se trata d’una de les munches meyores que’l Conceyu sigue realizando na zona rural del conceyu, teniendo en cuenta les demandes vecinales y les necesidaes de les parroquies.

  • El Principáu asume la xestión de la carretera de Valdepráu, na parroquia de Zarréu

    El Principáu asume la xestión de la carretera de Valdepráu, na parroquia de Zarréu

    El Principáu recibió la cesión de la carretera de Valdepráu, na parroquia rural de Zarréu (Degaña). Esta iniciativa supón revertir la concesión alministrativa de la pista, utilizada enantes pa l’actividá minera, y qu’agora va permitir ameyorar les comunicaciones del conceyu de Degaña y el restu del valle del Narcea.

    La cesión foi posible gracies a la decisiva implicación del Conceyu de Degaña, mesmo que los vecinos de los conceyos del suroccidente y del norte de León.

    La pista xune Zarréu col valle del Sil, en Llión, y ocupa n’Asturies una superficie de 10,46 hectárees y 5.230 metros de distancia. Pasa per un monte d’utilidá pública que xestiona la Conseyería de Mediu Rural y Cohesión Territorial, polo que’l primer pasu consistió n’ascribila a la Dirección Xeneral d’Infraestructures Rurales y Montes pa, darréu, incorporala al inventariu de carreteres autonómiques.

    N’incluyédose na rede rexonal, el Gobiernu d’Asturies va realizar obres de caltenimientu y meyora de la seguridá na vía, antes de la so apertura al tráficu. La so integración y acondicionamientu va formar parte del programa tresañal d’actuaciones n’infraestructures del suroccidente que’l Principáu va presentar na Xunta Xeneral esti trimestre.

  • L’Ayuntamientu remata’l trayectu piatonal del Camín del Cementeriu de Veriña

    L’Ayuntamientu remata’l trayectu piatonal del Camín del Cementeriu de Veriña

    L’Ayuntamientu de Xixón remató les obres pa la construcción d’un itinerariu piatonal accesible del Camín del Cementeriu de la parroquia de Veriña. Esti tramu tien una gran arribación de transeúntes que trescurren por él p’aportar a la carretera de la Campa Torres y da continuidá a los trayectos piatonales yá realizaos nel barriu del Cerilleru.

    Pavimentóse un arcén de de 421’40 metros de llargor qu’ocupa una superficie de 758’52 m2 dixebrada por bolardos y barandielles para protexela del pasu de vehículos. Coles mesmes, soterróse la rede d’allumáu públicu y xeneróse una rede de drenaxe d’agües superficiales.

    Estos trabayos lleváronse a cabu con personal procedente del Plan d’Empléu 2021/2022 del Conceyu de Xixón/Xixón, en concretu, trabayaron una xefa d’equipu, trés oficiales de segunda y cuatro peonos ordinarios.

    L’itinerariu piatonal accesible del Camín del Cementeriu de Veriña cuntó con un presupuestu de 80.474’97 euros y executóse en seis meses, empecipiándose la obra’l 25 d’agostu del añu pasáu.

  • L’Ayuntamientu va reordenar l’ámbitu de l’avenida Mar Cantábricu pa facilitar la salida pa Ciares

    L’Ayuntamientu va reordenar l’ámbitu de l’avenida Mar Cantábricu pa facilitar la salida pa Ciares

    L’Ayuntamientu de Xixón va reordenar la circulación nel ámbitu de l’avenida Mar Cantábricu coles mires d’ameyorar la fluidez del tráficu na salida de Viesques escontra la carretera de Ciares (AS-377).

    Les actuaciones diseñaes, que fueron presentaes esta tarde pol conceyal de Mediu Ambiente y Movilidá, Aurelio Martín, nuna xunta caltenida cola Asociación de Vecinos de Viesques, afecten a la cai Gloria Fuertes y a l’avenida Mar Cantábricu.

    En concreto, la conceyalía de Movilidá preve, per un sitiu, habilitar el xiru a la izquierda en sentíu salida de la ciudá nel encruz de la cai Gloria Fuertes cola carretera de Ciares y, por otru, reordenar l’encruz de Mar Cantábricu con Gloria Fuertes, de manera que se dea prioridá nesta exa a la circulación por esta última cai.

    L’oxetivu d’esta actuación ye xenerar una entrada y salida directa del barriu de Viesques escontra la carretera de Ciares al traviés de la cai Gloria Fuertes, solliviando d’esta miente’l tráficu nel encruz de l’avenida Mar Cantábricu cola carretera de La Coría, y tamién na rotonda d’incorporación a la carretera de Ciares, conocida popularmente como rotonda de Rubiera.

    La reordenación contempla la realización tanto d’obra pública nes cruces de la carretera de Ciares con Gloria Fuertes, y d’esta con Mar Cantábricu, como cambeos na rede semafórica.