El Conceyu de Xixón empecipió les obres d’arreglu del socavón na sienda del Cervigón. Va construyise una escollera de contención hormigonáu de 5 metros d’altor, pa lo que va ser necesariu esviar el tránsitu pel Camín de les Mimoses. La incidencia producióse na tarde del 19 de mayu, poco antes del empiezu de la sienda del Cervigón. En realizando los estudios técnicos correspondientes, abalizóse la zona dexando un pasu de camín de 1’5 metros.
El personal municipal de la Sección de Brigaes que s’encarga del caltenimientu de la zona rural va llevar a cabu los trabayos con maquinaria d’arriendu procedente de los contratos vixentes nel Serviciu d’Obres Públiques. Ta previsto que’l fundimientu tea reparáu en 15 díes.
